പരിപൂര്‍ണായി ജൈവരീതി അവലംബിച്ചാല്‍ ഈ അവസ്ഥയില്‍ വലിയ പ്രയോജനം ഉണ്ടാവാന്‍ സാധ്യതയില്ല. ഇതിനാല്‍ ആരോഗ്യപ്രശ്‌നങ്ങള്‍ ഇല്ലാത്ത രാസകീടനാശിനികള്‍ പ്രയോഗിക്കാം.
By Harithakeralam
കനത്ത മഴ തുടരുന്നതിനാല്‍ കേരളത്തിലെ പല സ്ഥലങ്ങളിലും വാഴത്തോട്ടങ്ങള്‍ വെള്ളത്തിലാണ്. വെളളമിറങ്ങിക്കഴിഞ്ഞാല്‍ പല തരത്തിലുള്ള രോഗങ്ങളും വാഴകള്‍ക്ക് പിടിപെടും. തുടക്കത്തിലേ ശ്രദ്ധിച്ചാല്‍ കുറച്ചൊക്കെ ഇതിനെ ചെറുക്കാം. പരിപൂര്‍ണായി ജൈവരീതി അവലംബിച്ചാല്‍ ഈ അവസ്ഥയില്‍ വലിയ പ്രയോജനം ഉണ്ടാവാന്‍ സാധ്യതയില്ല. ഇതിനാല്‍ ആരോഗ്യപ്രശ്‌നങ്ങള്‍ ഇല്ലാത്ത രാസകീടനാശിനികള്‍ പ്രയോഗിക്കാം.
1. മാണം അഴുകല്‍ ശ്രദ്ധയില്‍പ്പെട്ടാല്‍ 5 ഗ്രാം ബ്ലീച്ചിംഗ് പൗഡര്‍ ഒരു ലിറ്റര്‍ വെളളത്തില്‍ കലക്കി ഒഴിക്കണം.
2. അടഞ്ഞ മഴ കഴിഞ്ഞുളള കാലാവസ്ഥയില്‍ പനാമാവാട്ടം രൂക്ഷമായേക്കാം. മൂത്ത ഇലകള്‍ മഞ്ഞളിച്ച് വാടിപ്പോകുന്നതാണ് ആദ്യത്തെ ലക്ഷണം. ഒപ്പം വാഴത്തടയുടെ കടഭാഗത്ത് വിണ്ടുകീറല്‍ ഉണ്ടാകുന്നതും ഇതിന്റെ ലക്ഷണം തന്നെ. രോഗം ശ്രദ്ധിയില്‍പ്പെട്ടാല്‍ 0.2 % വീര്യത്തില്‍ കാര്‍ബണ്‍ഡാസിം അല്ലെങ്കില്‍ 0.1 % വീര്യത്തില്‍ പ്രൊപ്പികൊനാസോള്‍ കുമിള്‍ നാശിനി കടഭാഗത്ത് ഒഴിക്കണം. കേടുവന്ന ഇലകള്‍ മുറിച്ചു മാറ്റണം. 13:0:45 എന്ന വളം 5 ഗ്രാം ഒരു ലിറ്റര്‍ വെളളത്തില്‍ എന്ന തോതില്‍ പശചേര്‍ത്ത് ഇലകളില്‍ സ്‌പ്രേ ചെയ്യണം.
3. ഇലപ്പുളളി രോഗം വരികയാണെങ്കില്‍ 0.4% വീര്യത്തില്‍ മാങ്കോസെബ് എന്ന കുമിള്‍ നാശിനി പശ ചേര്‍ത്ത് ഇലകളില്‍ തളിക്കാം. രോഗം നിയന്ത്രണ വിധേയമല്ലെങ്കില്‍ പ്രൊപ്പികൊനാസോള്‍ 0.1% വീര്യത്തില്‍ തുടര്‍ന്നു തളിക്കാവുന്നതാണ്.
4. വെള്ളക്കെട്ട് കഴിഞ്ഞാല്‍ തോട്ടവും വാഴകളും വൃത്തിയാക്കാന്‍ ശ്രദ്ധിക്കുക.
അടുക്കളത്തോട്ടത്തിലെ പ്രധാന ശത്രുക്കളാണ് ഉറുമ്പുകളും ഒച്ചുകളും. പച്ചക്കറി വിളകള്‍ നശിപ്പിക്കുന്നതില്‍ ഇവ രണ്ടും മുന്നില്‍ നില്‍ക്കുന്നു. തളിര്‍ ഇലകളും ഇളം തണ്ടും പാകമായി വരുന്ന കായ്കളും ഇവ നശിപ്പിക്കാറുണ്ട്.…
By Harithakeralam
എത്ര ശ്രദ്ധ നല്‍കിയിട്ടും കൃഷിയില്‍ നിന്ന് കാര്യമായ വിളവ് ലഭിക്കുന്നില്ലെന്ന പരാതി പലര്‍ക്കുമുണ്ട്. നിസാര കാര്യങ്ങളില്‍ പുലര്‍ത്തുന്ന ശ്രദ്ധക്കുറവാകാമിതിനു കാരണം. ചില കാര്യങ്ങള്‍ വേണ്ട വിധത്തില്‍…
By Harithakeralam
നല്ല മഴയും അതു കഴിഞ്ഞാല്‍ ശക്തമായ വെയിലുമാണിപ്പോള്‍ കേരളത്തിലെ പല സ്ഥലങ്ങളിലെയും അവസ്ഥ. അടുക്കളത്തോട്ടത്തിലെ പച്ചക്കറികളിലും ഇതു പല പ്രശ്‌നങ്ങള്‍ക്കും കാരണമാകും. ചീര, വഴുതന, പച്ചമുളക് തുടങ്ങിയ പച്ചക്കറികളാണ്…
By Harithakeralam
മഴക്കാലത്ത് പച്ചക്കറിക്കൃഷി ചെയ്യുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്. ഇലകള്‍ തിന്നു നശിപ്പിക്കുന്ന കീടങ്ങളും വൈറസ് രോഗങ്ങളും ഇക്കാലത്ത് പതിവാണ്. ഇവയെ തടയാനുള്ള മാര്‍ഗങ്ങള്‍.
By Harithakeralam
അടുക്കളത്തോട്ടത്തില്‍ ഒന്നോ രണ്ടോ കറിവേപ്പിലച്ചെടി വളര്‍ത്തുന്നവരാണ് നമ്മളെല്ലാം. പക്ഷെ ഒന്നോ രണ്ടോ തവണ ഇല നുള്ളിയാല്‍ കറിവേപ്പ് ഒന്നു പച്ചപിടിക്കാന്‍ കുറെ ദിവസമെടുക്കുമെന്ന പരാതി മിക്കവര്‍ക്കുമുണ്ട്.…
By Harithakeralam
കേരളത്തിലെ മിക്ക ജില്ലകളിലും കനത്ത മഴ തുടരുകയാണ്. കൃഷിയിടത്തില്‍ പ്രത്യേക ശ്രദ്ധ നല്‍കേണ്ട സമയമാണിപ്പോള്‍. വിള പരിപാലനത്തിനുള്ള പൊതു നിര്‍ദ്ദേശങ്ങള്‍ നോക്കാം.
By Harithakeralam
കൃഷി ചെയ്യാന്‍ അനുയോജ്യമായ സമയമാണെങ്കിലും മഴക്കാലത്ത് വളങ്ങളും കീടനാശിനിയും പ്രയോഗിക്കുമ്പോള്‍ സൂക്ഷിക്കണം. കനത്ത മഴയില്‍ ഇവയെല്ലാം നഷ്ടപ്പെട്ടു പോകാനുള്ള സാധ്യതയുണ്ട്. ഈ സമയത്ത് പച്ചക്കറിക്കൃഷിയില്‍…
By Harithakeralam
കൃഷിക്ക് തുടക്കമിടാന്‍ അനുയോജ്യമായ സമയമാണിപ്പോള്‍. പച്ചക്കറിയാണ് മിക്കവരും അടുക്കളത്തോട്ടത്തില്‍ നട്ട് പരിപാലിക്കുക. ഈ പത്ത് കാര്യങ്ങള്‍ കൃത്യമായി പാലിച്ചാല്‍ വീട്ടുവളപ്പിലെ കൃഷിയില്‍ നിന്നും മികച്ച വിളവ്…
By Harithakeralam
© All rights reserved | Powered by Otwo Designs
Leave a comment